एकीकृत कृषि तथा पशुपंक्षी विकास कार्यालयद्वारा सञ्चालित विभिन्न आयोजनाको संयुक्त अनुगमन सम्पन्न भएको छ । कार्यालयबाट पुथा उत्तरगङ्गा गाउँपालिकाको विभिन्न स्थानमा सम्पन्न भएका आयोजनाहरुको संयुक्त अनुगमन सम्पन्न भएको हो ।
अनुगमनमा पुथा उत्तरगङ्गा गाउँपालिका अध्यक्ष पुनीराज घर्ती मगर, एकीकृत कृषि तथा पशुपंक्षी विकास कार्यालय प्रमुख पिताम्बर बस्नेत, पुथा उत्तरगङ्गा गाउँपालिका प्रमुख प्रशासकीय अधिकृत समीर गिरी, यू.एम.एन. रुकुम पूर्व क्लष्टर टिम लिडर शिभ प्रशाद अधिकारी, पुथा उत्तरगङ्गा गाउँपालिका कृषि शाखा प्रमुख ओम प्रकाश ओली, पशु शाखा प्रमुख भिम प्रकाश केसी, नेपाल पत्रकार महासंघ रुकुम पूर्व अध्यक्ष मैत्या घर्ती मगर, एकीकृत कृषि तथा पशुपंक्षी कार्यालय अधिकृतस्तर खिम रोकाय, अधिकृतस्तर सम्झि मगर, अधिकृतस्तर छवि मगर, पशु चिकित्सक विमल जीसी, सव इन्जिनियर कमल पोख्रेल लगायतको सहभागीतामा संयुक्त अनुगमन सम्पन्न भएको हो । पुथा उत्तरगङ्गा गाउँपालिका वडा नं. ६ स्थित लक्षित समुदाय विशेष आयआर्जन कार्यक्रम अन्तरगत कुखुरा पालन, यस्तै पुथा उत्तरगङ्गा गाउँपालिका वडा नं. १३ स्थित वाली विशेष सघन व्यवसायीक कृषि विकास कार्यक्रम अन्तरगत उच्च घनत्वको स्याउ खेती र वाली विशेष व्यवसायीक कृषि विकास कार्यक्रम अन्तरगत भेडा पालन लगायतका आयोजनामा अनुगमन भएको हो ।
