बरम बुदामगर
२२ भदौ २०७९, बुधुबार
पुथाउत्तरगंगाल आछिमकिन जिम जिमक मादुवर चिउने मिँर । रुकुम पूर्व पुथाउत्तरगंगा गाउँपालिकाल अबकिन जिमक जिमक मादुवर सोनो खादिवर चिउने मिर हुने तादले । लुम्बिनी प्रदेशलाव तोबोवाज पोम हुने खागरर बुखीलेव जिल्ला सोनो बनै अखत्यासो पो हैलिद सरसिउ छ मास पोम पोरो लिने पो पुथाउत्तरगंगा गाउँपालिका १४ वडा लाव जिम जिमक वाद सगराँने हैलिद आठपालाकिन चिउने ताद्ले ।
गाउँपालिकालाव शेर / जिम्जा शेर स्वास्थ्य कार्यक्रम मीन यासिव आव यन माँगलबारकिन सेर्जाझुचा, लुजाबाँजा, मादुवर चिउनाने तादले । अहेव सोनो अनमी झैद ११ जना चिउने मिँरालाई सु सु यापो झैद हो हो नाङ्खारल लिद चिउव परिँने गाउँपालिका लाव स्वास्थ्य शेर समीर गिरीय हैलिके । जिम जिमक स्वास्थ्य कार्यक्रम लाव यनदाने मिँर पाई पो लाव मिँराय लेवक बाद याजोरो चिउद चावचाव रोर सथैनेलेर । लुजाबाँजा, याजालेवर, सुरक्याल्नी, सेर्जाजुचा, मादुवर च्याकदोध वासबिस याने स्वास्थ्य शेर गिरीय सथैसिक्यो । नाङ्गे र मादुव रालाई सिलो मालेव स्वास्थ्य बिमा डाकदरस पाँद चिउने वासबिस झैदयाने गाउँपालिकाय हैलिदले । लुजाबाँजारालाई एकम्ने याने वास, चाव ज्याउ याने याबाबुयामा रालाई हैदाने तादले ।
एकम्ने नाङ्खारलाव मिँरास दैसिने बनैचाव पाँ सोनो आव यन रँद मिँर बनै रेँदलेर । आव यन वमाहुद पाला गाउँपालिकाय सुरक्याल्नी तानेबेला जि भोद मादुव सोम्लो गरब्या मेँमारालाई चिउदयानैव । होसोम्लो मेमार जिल्ला अस्पताल ल केश्द बाँचिकेर ।
