पुथा उत्तरगङ्गा गाउँपालिकामा विज्ञान प्रदर्शनी तथा प्रतियोगिता कार्यक्रम सम्पन्न


रुकुम पूर्व पुथा उत्तरगङ्गा गाउँपालिकामा विज्ञान प्रदर्शनी तथा प्रतियोगिता कार्यक्रम सम्पन्न भएको छ । युनाइटेड मिसन टु नेपाल र मिक नेपालको साझेदारीमा सञ्चालित सक्षम 2 परियोजनाको आर्थिक सहयोग तथा पुथा उत्तरगङ्गा गाउँपालिकाको आयोजनामा पालिका स्तरीय विज्ञान प्रदर्शनी तथा प्रतियोगिता कार्यक्रम सम्पन्न भएको हो ।

पुथा उत्तरगङ्गा गाउँपालिकामा सञ्चालित माद्यामिक तहका विद्यार्थीहरुको सहभागीतामा पालिका स्तरीय विज्ञान प्रदर्शनी तथा प्रतियोगिता कार्यक्रम सम्पन्न भएको हो । गाउँपालिकाको ७ वटा माद्यामिक विद्यालयबाट सहभागी विद्यार्थीहरुले पानी तान्ने मोटर, विद्युतीय एम्बुलेन्स, जलविद्युत उत्पादन नमुना लगायत विभिन्न प्रकारका विज्ञान तथा प्रविधिमैत्री सामाग्रीको प्रदर्शनी गरेका थिए ।

विद्यालय तह देखि नै विद्यार्थीलाई विज्ञान प्रविधि तर्फ आकर्षण गर्ने उद्देश्यले पालिका स्तरीय विज्ञान प्रदर्शनी तथा प्रतियोगिता कार्यक्रम सञ्चालन गरिएको युनाइटेड मिसन टु नेपाल र मिक नेपालको साझेदारीमा सञ्चालित सक्षम 2 का परियोजना संयोजक श्री कुमार बुढा मगरले बताउनुभयो । संयोजक बुढा मगरको अनुसार यस्ता खालका कार्यक्रमहरु सञ्चालन गर्दा विद्यार्थीहरुलाई विज्ञान तथा प्रविधि सम्बन्धि ज्ञान हासिल गर्न उत्प्रेना मिल्ने गर्दछ ।

पालिकामा पहिलो पटक सञ्चालन भएको पालिका स्तरीय विज्ञान प्रदर्शनी तथा प्रतियोगिता कार्यक्रमले विद्यार्थीको ज्ञान सीप  बढाउन सहयोग गर्ने पुथा उत्तरगङ्गा गाउँपालिका प्रमुख प्रशासकीय अधिकृत ध्रुव वि.क. ले बताउनुभयो । यस्ता खालका कार्यक्रमले विद्यार्थीले नयाँ नयाँ विज्ञानका आविष्कार गर्न सिकाई हुने अधिकृत वि.क. ले बताउनुभयो । अधिकृत वि.क.ले विज्ञान प्रदर्शनी कार्यक्रम सञ्चालन गर्ने सहयोगी संस्थालाई धन्यवाद दिनुभयो ।

तपाईको प्रतिक्रिया

सम्बन्धित समाचार